Նախապատմություն
Նախապատմություն
Կազմակերպության հիմնադիր նախագահ Ալլա Խաչատրյանը հետերկրաշարժյան տարիներին հոգեբանական և սոցիալական աշխատանքներ է տարել երկրաշարժից տուժված Շիրակի մարզի բնակչության շրջանում:
Լենինականի ծերերի տուն-ինտերնատ այցից հետո, տեսնելով տարեց մարդկանց լքված, հուսահատ վիճակը որոշեց ստեղծել միայնակ տարեցների հիմնախնդիրներով զբաղվող հասարակական կազմակերպություն, որը կնպաստեր տարեց մարդկանց ինտեգրմանը և բարոյահոգեբանական վիճակի կայունացման:
Պատմություն
Կազմավորման պահից՝ 2000թ-ից, կազմակերպությունը գործել է որպես միայնակ տարեցների բարեգործական հասարակական կազմակերպություն՝ նպատակ ունենալով նպաստել Շիրակի մարզի միայնակ տարեցների բարոյահոգեբանական վիճակի բարելավմանը և ազատ ժամանցի ու զբաղվածության կազմակերպմանը և ինտեգրմանը հասարակություն:
Գործունեության ընթացքում տարեցների ինտեգրումը հասարակության մեջ ապահովելու համար անհրաժեշտություն առաջացավ զբաղվել նաև միջսերնդային և միջմշակութային կապերի ամրապնդմամբ, տեղեկատվության ու փորձի փոխանակմամբ:
Արդյունքում, 2005թ-ից կազմակերպությունը վերանվանվել և գործում է որպես «Արաքս Կենտրոն» բարեգործական հասարակական կազմակերպություն, աշխատելով հասարակության երեք սերունդների ռիսկային խմբերի հետ` պաշտպանելով նրանց շահերը, իրավունքները՝ ինտեգրելով հասարակական ակտիվ կյանք: Իր կանոնադրական նպատակների իրականացման համար կազմակերպությունը կյանքի է կոչել բազմաթիվ և բազմաբնույթ սոցիալական, կրթական, դիտորդական,մշակութային ծրագրեր, այդ թվում նաև մոնիթորինգային:
Մեր տեսլականը
Դեՙ երգիր Արաքս,
Մեր կյանք, մեր երազ,
Քո իմաստությամբ
Տուՙր ուժ, հավատամք,
Դու ես հենարան
Դեպի ապագա
Սերունդներին տրվում է իրենց ներուժի դրսևորման լիարժեք հնարավորություն համայնքի կայացման ու առաջընթացի, որի շնորհիվ նրանք նույնպես նպաստում են բարեկեցիկ հասրակության, առողջ ապրելակերպի վերաարժևորման, մտածելակերպի աշխահընկալման դրական փոփոխության:
Մեր առաքելությունը
«Արաքս Կենտրոն» բարեգործակա հասարակական կազմակերպությունը նպաստում է Շիրակի մարզի ռիսկային խմբերի սոցիա-տնտեսական վիճակի բարելավմանը, ինտեգրմանը, միջսերնդային, միջմշակությային համագործակցությանը` իրազեկման, իրավագիտակցության բարձրացման, շահերի պաշտպանության, ծառայությունների մատուցման միջոցով:
Մեր նպատակները
Նպաստել հասարակության երեք սերունդների ներկայացուցիչների`
-
Իրավունքների և շահերի պաշտպանությանը,
-
Բարոյահոգեբանական վիճակի բարելավմանը,
-
Տեղեկատվության հասանելիության ապահովմանը,
-
Հասարակության խոցելի խմբերի հոգեբանական մեկուսացման հաղթահարմանը,
-
Միջսերնդային կապի ամրապնդմանը,
-
Առողջ ապրելակերպի խթանմանը
-
Բանակ-ծնող-դպրոց և Բանակ-ՀԿ-դպրոց փոխգործակցությանը,
-
Դեռահասների և պատանիների շրջանում ռազմահայրենասիրական դաստիարակության իրականացմանը և ազգային ոգու բարձրացմանը,
-
Բռնության ենթարկված կանանց հիմնախնդիրներին և գենդերային իրավահավասարությանը:
-
Օժանդակել հասարակության շրջանում հանդուժողական վարքագծի ձևավորմանը և հակասությունների լուծմանն առնչվող գիտելիքների բարձրացմանը:
-
Պետական և ոչ պետական կազմակերպությունների հետ համագործակցության միջոցով նպաստել դժվարին իրավիճակներում հայտնված անձանց կարիքների լուծմանը:
-
Միավորել հասարակության շահագրգիռ լայն շերտերին հիմնախնդիրների լուծման շուրջ:
-
Զարգացնել համագործակցությունը հարևան, ինչպես նաև եվրոպական երկրների հասարակական կազմակերպությունների, երիտասարդների և միավորումների հետ,
-
Աջակցել կոնֆլիկտների խաղաղ կարգավորման գործընթացներում երիտասարդների մասնակցությանը,
-
Խթանել շահառուների և թիրախ խմբերի մասնակցությունը հանրային կառավարման բոլոր մակարդակներում:
-
Աջակցել բնապահպանական խնդիրների լուծմանը:
Մեր խնդիրները
Կազմակերպել.
-
Սեմինարներ. դասընթացներ, քննարկումներ,
-
սոցիալական, հոգեբանական, իրավաբանականմ առողջապահական ծառայություններ
-
Շահերի, իրավունքների պաշտպանություն,
-
Կրթական ծրագրեր, միջոցառումներ, հանդիպումներ, բանակումներ, ճամբարներ,
-
Բարեգործական, մարդասիրական, բնապահպանական բազմաբնույթ ակցիաներ և միջոցառումներ,
-
Միջսերնդային, միջմշակութային, կրթական, մշակութային միջոցառումներ: