Կազմակերպության կողմից իրականացված ծրագրերը ֆինանսավորվել են միջազգային, տեղական կազմակերպությունների,անհատ բարերաների կողմից, ինչպես նաև կազմակերպության ներքին մարդկային ռեսուրսների և ներդրումների միջոցով:
Ընթացիկ ծրագրեր
,,Իմ ազատ և անկախ Հայրենիք,,
Ծրագիրն իրականացվում է ՀԵՀ ՀՀ Նախագահի աշխատակազմի կողմից տրամադրված դրամաշնորհով 01. 04. 2018 - 01 05. 2018թ,
Նպատակն է՝ Երիտասարդ սերնդի մեջ սերմանել Առաջին Հանրապետության դերի
կարևորության գաղափարը, Անկախ Հայրենիքի, հայոց պետականության վերակերտման,
հոգևոր-մշակութային արժեքների պահպանումը և ապագայի տեսլականը:
2018 թ, մայիսի 22-ին կայացավ «ԻՄ ԱԶԱՏ ԵՎ ԱՆԿԱԽ ՀԱՅՐԵՆԻՔ» ծրագրով նախաեսված էքսկուրսիա-ճանաչողական այցը Երևան- ՀՀ պատմության և Անդրանիկ Օզանյանի թանգարաններ, Սարդարապատի հուշահամալիր: Տարբեր հաստատությունների 90 երեխաներ հաղորդակցվեցին հայ պատմական մեծ արժեքների հետ, սեփական աչքերով տեսան պատմական այն անժխտելի փաստերը, որոնք հայ ազգի ինքնության համար ծառայում են որպես «անձնագիր»:
Թանգարաններում երկխոսություններն ու քննարկումները հնարավորություն տվեցին նրանց արտահայտել սեփական մտքերը, ծանոթանալ հայրենանվեր գաղափարներին, ընդարձակել մտահորիզոնը հայրենի պատմության վերակերտման, զարգացման շուրջ և գալ մեկ ընդանուր գաղափարի`« Ազատ Հայրենիք, ԱնկախՀայրենիք, Հզոր Հայրենիք…»